انا مش اخوان ..بس مينفعش
______________________
تيجى تنتقد محمد مرسى ..يطلعلك واحد يقولك انا مش اخوان ولازم نديله فرصة
تيجى تنتقد الاخوان ومحمد مرسى ..يطلعلك واحد يقولك انا مش اخوان ومحمد مرسى ساب الجماعة وهو رئيس لكل المصريين
تيجى تنتقد كلمة مرسى عن الستينات وحلفانه قدام التاسيسية ..يطلع واحد يقولك انا مش اخوان ..ومش لازم نتصيد الاخطاء لمرسى
تيجى تجيب اى حاجة عن الفترة الانتقالية زى الاستفتاء او الاناركييين او
فانديتا يطلعلك واحد يقولك انا مش اخون ..بس الى فات مات ولازم كلنا نبقى
ايد واحدة
تيجى تتكلم عن ان الاخوان مشيوا من الميدان وادوا
لشباب الثورة القفا رقم 152 .. يطلع واحد يقولك انا مش اخوان بس هما
معزورين عشان يدو مرسى فرصة انه يشتغل ويجيب صلاحياته بنفسه
تيجى تكتب بوست عن حمدين ..يطلع واحد يقولك انا مش اخوان .. بس ازاى حمدين يحط ايده فى ايد ساويروس
تيجى تطلع صورة لمرسى مع ساويروس ومعاهم عمر سليمان ..يطلع واحد يقولك انا
مش اخوان بس مينفعش نجيب صورة قديمة ونربطها باحداث جديدة
نجيب اخبار عن تعرض ناس للقتل عن طريق جماعات متطرفة ..يطلع واحد يقولى انا مش اخوان ..واكيد ده شغل امن دولة
نجيب تصريح لمرسى بياكد ان الى عمل كده جماعات مسميها الحسبة ..يقولك انا مش اخوان بس اريس مرسى بيحارب التطرف
ادينى عقلك