joash مشرف متميز
عدد المساهمات : 5358 تاريخ التسجيل : 02/12/2012
| موضوع: لضمان حياه زوجيه سعيده الأحد مارس 03, 2013 11:38 am | |
| الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان تصحى اشمعنى انت ؟ ولو حاولت ترجع تنام تانى قول لها مادامتى صحيتى حضري الفطار بقى[/b] اذا كنت بتتفرج على التلفزيون وهى عايزة تغير القناة 00 قول لها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة 00 ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكورة قول لها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب ( ملاحظة : اغلب النساء ذو ثقافة كروية ضعيفة ) اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندهها 25 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة لو عملت ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دى حاطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !! لو طلبت منك تنشر الهدوم قول لها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية لو كانت مشغولة في نظافة البيت أو مع الأولاد وطلبت منك تغسل كوبيتين الشاي بتوع الصبح الموجودين في الحوض ارجعلها كمان دقيقة من دخولك المطبخ وأنت ماسك كوبية من الاثنين وهى مكسورة واسألها في براءة أرمى دى فين ؟؟ وأنت قاعد تتفرج على التلفزيون وهى طالع عينها في تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتي معلش ممكن كوبية مية علشان ضهرى بيوجعنى !! دى طبعاً بعض الأفكار ،،، بس طبعا يا جماعة دة هزار محدش يبقى غلس اووووووووووى زيى كدة برضة الستات طيبين
| |
|
خادمة الرب المسئول عن المنتدى
عدد المساهمات : 5708 تاريخ التسجيل : 28/06/2012 الموقع : الصمت أفضــــل من الكـــــــلام
| موضوع: رد: لضمان حياه زوجيه سعيده الأحد مارس 03, 2013 11:50 am | |
| طيبين اووووووووووى شكرا بابا | |
|
joash مشرف متميز
عدد المساهمات : 5358 تاريخ التسجيل : 02/12/2012
| موضوع: رد: لضمان حياه زوجيه سعيده الأحد مارس 03, 2013 1:42 pm | |
| | |
|