الولد ولا البنت

اخواتى وبناتى الغاليات
انا كنت عملت موضوع عن ميزه الولد عن البنت
وبنتى امل زعلت منى وقامت بتشكيل اتحاد نسائى وهددت بتنظيم مظاهرات واعتصامات قد تؤدى اخيرا الى محاوله اغتيالى لذلك قررت التراجع والاعتراف بان البنات احسن ميت مره ومن خاف سلم

طبعا البنت احسن من الولد .. نشوف

دلوقتى بقى هاثبتلكم ان البنات احسن من الولاد و لو ولد قال عكس كده يثبتلى بقى

انا بقى هاثبتلكو الدليل دلوقتى ...........

ياريت ماحدش يزعل علشان ده كله كلام

يلا نبدأ .............

البنت بتتكلم براحتها في التليفون

وأبوها أو جوزها هو إللي بيدفع

الفاتورة في الآخر

البنت مش ملزمة تجهز نفسها

أبوها أو البيه (خطيبها) هم إللي هايدفعوا

دم قلبهم

مفيش حد بيبص على بدلة العريس

كله بيبص على فستان العروسة

لو واحدة عملت مخالفة وعيطت

شوية للظابط هايعديها

لو راجل هاياخد على دماغه

لو واحدة ما ادتش قرايبها

عيدية مش هايقولوا عليها بخيلة ...هايقولوا

أصل العيب على جوزها

لو واحدة إتأخرت على المحاضرة

ممكن الدكاترة يدخلوها

لو ولد هايقولوا

روح يابابا كمل نوم برة في الشمس

لو حصل زعل بين البنت وباباها

مش هايطردها برة البيت

...وهي بس يادوب تعيط شوية

وبابا هايروح يصالحها على طول .... أما الولد فايدوب يلحق مكان

ينام فيه جنب البواب

نيجي بقى لدلع البنات ::::::

ياعسولة ( 5 سنين )
ياعروسة ( 12 سنة )
ياقمر ( 18 سنة )
يا هانم ( 40 سنة )
يا أم العيال ( 50 سنة )
يا ست الكل ( 60 سنة )

دلع الولاد :::::::

انت ياد (10 سنين )
انت ياشحط بقيت طول الباب ( 18 سنة )
ياراجل ( 40 سنة )
ياعم الحاج ( 50 سنة )
ياراجل يا عجوز مناخيرك قد الكوز ( 60 سنة )

_________________

ماشى ماشى انا قائد الاتحاد الجديد

ههههههههههههههههه
يا سلام
وكدا احنا احسن
ماشي يا بابا

طبعا احسن يا مريم مش احسن من يا شحط وياد

» البنت والتليفون
» ايه ميزه الولد
» البنت اول ماتخش الجامعة
» البنت لما ترن
» زمان البنت