كُلَّ وَاحِدٍ سَيَأْخُذُ أُجْرَتَهُ بِحَسَبِ تَعَبِهِ" ( 1 كو 3 : 8 )

كُلَّ وَاحِدٍ سَيَأْخُذُ أُجْرَتَهُ بِحَسَبِ تَعَبِهِ" ( 1 كو 3 : 8 )
هل مرة خطر على بالك هذا الفكر وقولت أنا تعبان في الخدمة، وماحدش حاسس بى؟ حبيبى خد بالك حتى لو انت مش لاقى تقدير على الارض تقديرك محفوظ فى السماء الله فى سفر الرؤيا بيقول لكل ملاك من ملائكة الكنائس السبع " انا عارف اعمالك" صدقنى حتي أتعابك اللى ممكن انت نفسك تكون نسيتها هي محفوظة عند ربنا هو بيذكرها لك، مش ممكن ينساها. وهيقول لك في ذلك اليوم،، مع كل أخوتك اللى تعبوا زيك وخدموا بكل امانة :"تعالوا يا مباركي الرب. رثوا الملك المعد لكم منذ تأسيس العالم" (مت 25: 34).
اوعى تقع فى الفخ ده وتقول انا تعبت كتير ومن حقى ارتاح وكمان عشان الناس اللى انا بخدم معاهم يشعروا بقيمتى واد ايه انا كنت بتعب ومحدش حاسس بى اذا جالك هذا الشعور اوعى تفكر تترك خدمتك واصبر فى احتمال المقاومات الى تصادفك فى الخدمة اعلم يا حبيبى ان غاية ايماننا وخدمتنا هو خلاص النفوس والكتاب المقدس بيقول" من رد خاطئاً عن ضلال طريقه، يخلص نفساً من الموت ، ويستر كثرة من الخطايا" (يع 5: 20)
حبيبى .... النفس الثمينة اللى مات المسيح لأجلها، تستحق منك أن تبذل كل تعب في سبيل خلاصها. لذلك جاهد ولا تيأس، حتي إن تأخر ثمر تعبك في الظهور. استمر. لا تترك غيرك يتعب، وأنت تدخل علي تعبه بل اشترك في التعب، و لا تقف لتتفرج علي الذين يتعبون. لان ملكوت الله مش للمتفرجين بل للذين يتعبون فى بنائه....
طيب يا من تتصور فى نفسك انك تعبت اكثر من الاخرين عاوزك تفكر معايا شوية انه مهما كان تعبك اللى انتى تعبته او هتتعبه فى الخدمة ممكن تكون تعبت زى ما بولس الرسول تعب فى خدمته لكن استطاع أن يقول أخيراً:
"جاهدت الجهاد الحسن، أكملت السعي، حفظت الإيمان وأخيراً قد وضع لي إكليل البر.." (2 تي 4: 7)..
يا ابنائى وبناتى الخدام اعلموا أنكم في خدمتكم، سيشترك الله معكم. ولن يترككم تتعبون وحدكم. إن الله باستمرار يعين خدامه في خدمتهم: يعمل معهم، ويعمل فيهم، ويعمل بهم. لذلك في خدمتكم، حاولوا أن تكونوا مجرد اَلة في يد الله يعمل بها ...
احبائى ...... خدام كتير بيتعبوا اوى فى الخدمة بس فى الاعمال اللى ظاهرة قدام الناس وخدمتهم هى للظهور امام الناس المسيح بيقولك الخدمة تحتاج لركب منحنية عشان ربنا يبنى خدمتك ويباركها زى ما المزمور 127 ما بيقول ان لم يبن الرب البيت فباطل تعب البناؤون
انا ادعوك ان تصلى من اجل خدمتك حتى يتولاها الله اشرك ربنا فى الخدمة بالصوم والصلاة لانها ليست تعب بشرى فقط ولكنها يد الله التى تعمل فينا وبنا ... اهمل نفسك وراحتك ولا تلتمس لها الاعذار والمبررات عشان تنام وتستريح بل اهتم بكل نفس لاتها غالية على قلب المسيح لدرجة انه بذل ذاته من اجلها
و خير لنا أن نتعب لكي يستريح اخواتى الخدام والمخدومين
لا أن نستريح نحن، ونتركهم هم يتعبون..
ربنا يبارك فى خدمتكم ويحافظ عليكم