ايوة هوعاوزك انت

ايوة هوعاوزك انت
عاوز يحطك في قلبه و يقفل عليك
عاوز يمسح دمعك و يمسك ايدك و يسندك
عاوزك تسلم ليه كل حياتك و عاوز قلبك معاه دايما

نفسه يبقي اول حد تفكر فيه لما تضايق
نفسه ترمي حملك عليه و انت واثق انه هينجدك
نفسه تطلب منه بايمان و تبقي متاكد انه مش هيضرك
نفسه تبقي متاكد ان كل شيء ليه وقت مناسب يحصل فيه

هوعاوزك انت ... ايوة انت
هو جه عشانك انت و اتصلب عشانك انت
شاف الالام كتيرة و اتحمل اهانات كتيرة بردو عشانك
ده جه عشان يرجع الخاطي .. ده جه و في قلبه حب عظيم

و هيجي تاني عشاني و عشانك
هيجي ياخدنا فوق علي السحاب .. ايوة فوق
مكانا معاه فوق .. هو مش هيسيبنا نهلك .. مش هيسبنا نضيع منه
ده اب حنين و حنانه فاق الكل .. ده قلبه طيب و بيسامح الكل .. ده مجده عظيم و قادر كمان علي المستحيل

سلمله قلبك .. قول له انا جيت
ايوة انا جاي ليك .. بسلملك قلبي و كل حياتي كمان
سامحني و طهرني و اديني الامان .. خليني معاك مهما كان
سلمله حياتك .. و في ضيقتك خليك معاه
ده الهنا اله حنين و بيقدر و يرفع و يشفي و يحل كمان
عمر ما الشيطان هيقدر علينا .. عمر الخطيه ما هتقوي علينا

انت الطبيب .. اشفني من جراحي
انت حبيبي و ربي و الهي كمان .. ايوة بحبك
بحبك و طول عمري هبقي معاك .. من اللحظه دي
من اللحظه دي انا ايدي في ايديك .. احملني علي الاذرع الابديه

بحبك يا ربي
و مهما حصل برجع ليك
ده مفيش زي حضنك بيضمني
ده مفيش زي حنانك و ايدك تطمني
مش هزعل تاني ولا اشيل هم و انا و ياك

انت عاوزني
و انا جيت ليك دلوقتي
بحبك يا يسوع اقبلني ابن ليك

_________________