اهرب وخد معاك كل الاخوان

انا هاضرخ واقولك لا
وانا معايا الف حق
الحلم طار
جوة القطار
والحزن جوة بيتنا شق

صرخنا من جوة قلبنا
راح فين الابن والضنا
ردوا وقالوا راح تحت العجل
دا بردوا لكل مخلوق اجل
جرحتوا قلوبنا وهان دمعنا

اضرخ واقولك اسمع يا مرسي
هاندقلها مكان ماترسي
لكن عمرى ما انحنى راسي
ولا فى يوم انضرب ع بطنى
مهما الزمن قسي ع قلبى

اهرب من الاتحادية الى اى مكان
اهرب وخد معاك كل الاخوان
بكرة ضوء الشمس هايبان
ونعرف مين اللى غدر وخان
ومين اللى طلب التغير فى الميدان

اهرب ودم الشهداء فى رقبتك
واوعى تقول ان الذنب مش ذنبك
انت هاتقدم حساب رئيستك
يوم ماتوقف امام المولى ربك
وتقوله ازاى كنت بتعامل شعبك

وقوله انت رايح بالبلد على فين
وشعبك عايش مقهور وحزين
ع كل اولاده المفقودين
وعينه بتنزف ع المصابين
واخرهم حوادث اسيوط والبدرشين

تقول قرار وتانى يوم ترجع تلغيه
وتقول انك بتعمل خير ما فيه
احنا هانلومك ع ايه ولا ا يه
احنا عرفنا اسلوبك واتعودنا عليه
انت خلاص اخدت الكرسي ومتمسك بيه

احنا خلاص فاض بينا الكيل
ومعنا ع تقصيرك الف دليل ودليل
اكيد هايظهر نور الشمس بعد الليل
اللى يخلى بكرة واضح جدا وجميل
وانت . روح . حسبي الله ونعم الوكيل