joash مشرف متميز
عدد المساهمات : 5358 تاريخ التسجيل : 02/12/2012
| موضوع: المصرى هو الوحيد اللى السبت فبراير 09, 2013 3:40 pm | |
| _ بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد
_ بيحط الريموت كونترول في كيس بلاستيك كعادة فرعونية
_ يقف يتكلم على الباب نص ساعة بعد إنتهاء الزيارة والسلام
_ لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد
_ ييجي بعد معاده بساعتين ويفتكر إن ده عادي
_ لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه
_ بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال
_ بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش
_ عنده صينية مكسرات متقسمة لتلات او أربع أقسام لزوم المزاج وعمره ماإستخدمها
_ ممكن يعدي التلاتين ولسه عايش مع أمه وأبوه وماعندهومش مشكلة
_ بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش
_ بيكون عنده شواية لزوم الرحلات أقصى استخدام لها كان مرة واحدة في العيد
_ بيشيل طابع البريد من على الظرف لو الختم ماكانش عليه
_ بيفتكر إن أي حد بيشتغل في الخليج بيغرف فلوس من غير حساب
_ بيكون مشغول بقيمة التيبس أو البقشيش طول العشا ياترى خمسة جنيه ولا عشرة جنيه
وبردو بيتخانق ساعة دفع الحساب بحرارة شديدة على إنه هو اللي لازم يدفع
_ بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا
_ والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر منهم ، وساعتها بيفرش له الملاية | |
|
mego802008 مشرف
عدد المساهمات : 5167 تاريخ التسجيل : 03/07/2012 العمر : 44
| موضوع: رد: المصرى هو الوحيد اللى السبت فبراير 09, 2013 5:10 pm | |
| | |
|
امل بنت البابا مشرف
عدد المساهمات : 1754 تاريخ التسجيل : 16/07/2012 الموقع : قلب جرئ
| موضوع: رد: المصرى هو الوحيد اللى السبت فبراير 09, 2013 8:27 pm | |
| كل دا المره دى محاكمه دوليه
ههههههههههههههههههههههههه
رووووووووووووووووووووووووووووووووعه
| |
|
joash مشرف متميز
عدد المساهمات : 5358 تاريخ التسجيل : 02/12/2012
| موضوع: رد: المصرى هو الوحيد اللى السبت فبراير 09, 2013 9:49 pm | |
| | |
|