طريقة الارز بتاع كنتاكي

كلكم بتبحثوا زي كده علي طريقة رز الكنتاكي اللي العيال بتموت عليه

انا عملته وطلع تحفة وبجد

أنا
عايزة أشكر الفتوكة صاحبة الفكرة لكن والله أنا لا أتذكره ولا أتذكر فين
موضوعها لكن من لها دعوة بظهر الغيب أن يفتح الله عليه فتحة خير لا تسد
ابدا بفضله الكبير هي والمسلمين أجمعيين

أولا ندخل في طريقة عمل الأرز

2 كوب ارز بسمتي (أنا عملته بالأرز المصري وكان تحفة) اللي هيختلف معاك فيه أستخدام اي نوع هو مقدار المياه اللي هتسقي به الأرز

كل كوب أرز ليه 1/2 مكعب ماجي تقريبا (ولو أنت بتحبي طعمها في الأكل ممكن تخلي مكعب لكل كوب أرز)

بهارات (1 معلقة متوسطة أو أقل كركم- كمون- كزبرة- رشة زنجبيل+الملح علي حسب الأسرة)

كل كوب ارز له معلقة ونص سكر متوسطة

طريقة العمل

1- نحرق السكر لكن خلي لونه حلو فاتح مش غامق
2-نضيف له كمية المياه اللي هنسقي به الأرزونقلب لحد ما يندمجوا مع بعض بالراحة وتكون النار هادية لحين ما يندمجوا
3- نضيف البهارات اللي فاتت ونظبط كمية الملح
4- نضيف الأرز

التكة
هنا في كمية المياه المناسبة يعني لو بتعملي ارز عادي تقليل مقدار المياه
حاجة بسيطة عن الكمية اللي بتستخدميها في التسوية العادية ونفس الطريقة
بالنسبة للارز البسمتي ودي عشان ما يطلع مفرول ولا معجن ولا زايد في السوي
وتخلي بالك توطي النار عليه لما يغلي وتابعيه لحد ما يستوي

بخصوص الفراخ اللي جواه

أنت وطريقتك في عملها يعني لو تحبي تعمليها فراخ بانية بس تقللي البانية شوية أوك-

لو تحبي تعملي بنفس خلطة كنتاكي وبعدين لما تستوي تقطعيها قطع ومكعبات مفيش مشكلة

تحبي تعمليها بطريقتي أنها تكون جوا الصوص بردة اللي يريحك

نيجي بقي للصوص الخاص به

يامممممممممممممم لذيذ

لو أنت عايزة صوص للعيال مش حراق

1-
نجيب قطع لحمة أو فراخ صغيرة ونقطعها مكعبات وبعدين نضيف عليها زيت
الزيتون بيسوي بسرعة اللحوم وما شابه ونقلبها كويس ونفضل معاها لحين ما
يقارب علي الأستواء

2- نقطع البصل وفصين توم ونضيفهم علي اللحوم ونقلب لحين ما نحس أنهم أندمجوا ونضيف البهاراتبعدين قبل الطماطم

3-نفرم الطماطم والفلفل اخضر أو نضربها في الكبة أو الخلاط اللي يناسبك وبعدين نضيفهم علي اللحوم

4-البهارت المستخدمة: كزبرة - كمون- شوية فلفل أسود بسيط- الملح-الزنجبيل"رشة بسيطة" لو معندكيش خلاص

5- يفضلوا علي البتوجاز لحين ما يستوي وبكده لما تغرفي تضيفي الصوص علي الأرز

لو عايزة صوص حراق

نفس
الطريقة اللي فاتت لكن هيختلف انك مش تعملي بصل في الأكل هتكتفي بالتوم
وتضيفي قرن شطة حراق مع الطماطم وهيكون من ضمن البهارات شطة حمرا يعني علي
المزاج

ههههههههههههههههه رائع جوعتينا امووووووووش ربنا يباركك

بالهنا والشفا
يا جميل