يا بختك ...... ايوه انت

يابختك ايوة انت !!

بتسأل نفسك يابختى بايه؟
بيحسدونى على ايه؟
ده انا حياتى كلها مشاكل
متاعب
امراض لو مكنتش جسديه يبقى نفسيه
جوايا صراع
بين حاجات كتيره
نفسى احققها وحاجات اكتر مش عارف اطلها
شايف ناس كتيره
بتحول الخير الى شر
وبسال نفسى ليه كل ده؟
ده انا انسان فى حالى وبحب كل الناس
تعبان من الدنيا واللى فيها
حيران بين حاجات كتيره

وفى الاخر بتقولى يا بختك
بيحسدوك على ايه
حاسس ان ربنا فاكر كل الناس الا انت

حاسس ان ربنا بيجربك

كل ده حاسس بيه
وهفضل برضه اقول يابختك
عارف ليه

علشان ربنا بيحبك
اه صدقنى كل اللى انت فيه ده
دليل كبير على محبه ربنا ليك
مش مصدقنى طب تعالى نشوف كلام الانجيل


احسبوه كل فرح يااخواتى حينما تقعون فى تجارب متنوعه (يع2:1)

صدقتنى كل ده احسبوه فرح ربنا فاكرك وبيحبك عايزك دايما تكون معه
وعلشان كده يا بختك





متقولش فى سرك ده ربنا نسينى وبيجربى لا
الانجيل بيقول

لا يقل احد اذا جرب انى اجرب من قبل الرب لان الله غير مجرب بالشرور وهو لا يجرب احدا (يع 13:1)

اوعى فى سرك تقول تعبت
ومن الاحتمال زهقت

لانجيل بيرد عليك وبيقول:

عالمين ان امتحان ايمانكم ينشىء صبرا.واما الصبر فليكن له عمل تام لكى تكونوا تامين وكاملين غير ناقصين فى شىء
(يع 3:1-4)

وبكل الحب لو طلبت من ربنا النجده هيجيلك
فى افضل وقت ليك
لانه هو الوحيد اللى عالم بيك

بس اوعه وانت بتطلب تزهق من الطلب او تشك فى محبه ربنا ليك لان ربنا بيقول:

ليطلب بايمان غير مرتاب البته لان المرتاب يشبه موجا من البحر تخبطه الريح وتدفعه .فلا يظن ذلك الانسان انه ينال شيئا من عند الرب (يع 1 : 6-7-8 )

وانت لو تعبان وفى تجارب
ولو بتشكر ربنا عليها
يبقى يابختك
بالمحبه ربنا
بالصبر الالهى
بالكمال الروحانى
بالاستجابه السماويه ليك