الرقم المطلوب

موضوع: الرقم المطلوب الخميس يناير 31, 2013 9:58 pm

لو تخيلنا ان كل محافظة من المحافظات لها رد خاص بلغة هذه المحافظة

فمن الممكن ان يكون الرد كما يلي

اسكندرية

ايووه يا جدعان ياعم بنقولولك الرقم اللي طلبته سيادتك مش موجود في الخدمة يا ريس
من فضلك يا زوق اتصل بعدين او نغيرولك الخدمة خالص ونريحوك ونرتاح

القاهرة

الرقم اللي انت طالبه ده يا عم الأمور صاحبه يا اما قافل الموبايل بتاعه يا اما مش عايز يرد عليك دلوقت وبينفضلك ابقى اتصل في وقت يكون هو فاضي فيه يا نجم وما توجعلناش دماغنا احنا كمان مش ناقصينك

بور سعيد

الرقم اللي حضرتك طالبه مش موجود في الخدمة ولو عايز نشترهولك يا باشا اتصل بمركز خدمة العملاء فورا راح نجبهولك لحد بيتك ..كان معاك ابو العربي من شركة ام نبيل

الصعيد

واه يا بوي ياعم انا تعبت معاك جوي وانا بدورلك على الرقم اللي انت طالبه ده ،
عم بنجولك ان الرقم اللي انته طالبه ده مش حدانا عاد
يعني مش مودود عندنا دلوكيت ،
ولو عايزه ضروري جوي يبجى خلايص اتصل بمركز العملاء
وهما يجولولك لو كان في حد واخد الرقم ده ولا لع ،
وسلملي على الدماعة كلهم يا ريس

اسوان - السودان

يا افندينا الرقم اللي انت طالبه دوه مش موجود في الخدمة اللي بنقدمهالك
وبعدين انا اتخنقت منك يا زول ومن كتر اتصالاتك الغلط ابقى ريحنا واقفل موبايلك انت كمان
يا اما خليك معاي واسمع ::
((ايوة شمندورة من جنا بارى انجس كريو من جنا سجرى مالا وانا مونت انجلاة وانا ××××*
ع الشط أستنى

ومعلش لباقي المحافظات
قلت كفاية كده عليكم

ايه رأيكم بقي

ومحدش يشتكي
ههههههههههههههههه

ربنا معاكم ويحافظ عليكم

هههههههههههههههههههههههههههه

شكرا لمرورك

» عفواً إن القلب المطلوب لايمكن الاتصال به الآن..
» سرقت الرقم
» معلومة هامة عن الرقم القومى
» معلومة هامة عن الرقم القومى
» مرسي يحطم الرقم القياسي شوف في ايه