االواحد مننا بيعيش فتره طويله من حياته في ركود تاام او تقدر تقول انه بيعيش علي روتين قاتل بس مره واحده بتظهر في حياه الواحد حاجه بتغيرها 180 درجه زي مابيقولوا كده حياته بتتشقلب بتخلي لحياته هدف ومعني بتخليه يعيش كل لحظه منها ويستمتع بيها وكأنها اخر لحظه هيعيشها بيعرف ان الحياه مالهاش قيمه من غير مايستمتع بيها بيحاول يكتشف ايه هدفه في الحياه ويحاول يعمله الحاجه دي ممكن تكون ظهرت في حياه بعضنا ويمكن تكون لسه مظهرتش
ياتري ايه الحاجه دي .. ؟
ياتري هو كتاب قريته حسيت ان في رساله وصلتلك ؟
ولا مدرس اثر فيك وساب تاثيره عليك ؟
اويمكن قداس حضرته حسيت ان كل كلمه اتقالت موجهه ليك انت بس ؟
يمكن يكون شخص قابلته صديق اثر عليك وحسسك بمعني الصداقه والتضحيه ؟
او وفاه شخص عزيز عليك كان بيمثلك كل حاجه وحسيت ساعتها ان احنا كلنا ضيوف في الدنيا ولازم تعيش حياتك قبل ماتخلص فجأه ؟
يمكن إنتقاد من شخص غالي عليك خلاك تشوف نفسك علي حقيقتها ؟
او حبيب قابلته حسيت ان الدنيا بقت جنه معاه ؟ او يمكن فراقه خلاك تقرر ان تعيش بعد كده لنفسك ؟
ايه اللي غير حياتك وخلي لحياتك معنى .. ؟
ام مازلت حياتك كما هي راكده .. ؟
مستنية ردودكوا وياتري ايه اللي غير حياتكوا .. ؟
الجمعة أغسطس 15, 2014 3:26 pm من طرف 
